Swen Aprè Yon Sikonsizyon

Kisa pou w atann

• Yon kwout wouj tankou san oswa jòn kapab parèt alantou tèt peni an. Sa nòmal. Pa netwaye kwout sa paske li ka senyen.

• Peni an kapab anfle toupiti oswa senyen toupiti nan zòn kote li fann lan.

• Tèt peni an ka lejèman tou wouj oswa nwa e ble.

• Sa ka rive bebe a kriye lè l ap pipi oswa li an kolè pandan premye jou yo ki vin aprè sikonsizyon an.

• Kontak kò ak kò a ansanm ak alètman an; kapab ede diminye doulè a.

• Po a sipoze geri nan anviwon 7 a 10 jou.

Kenbe peni an pwòp

• Lave peni an dousman avèk dlo cho si l gen twalèt sou li; pandan w ap chanje daypè pou bebe a.

• Itilize yon gan twalèt ki soup. Pa fwote zòn kote k ap fè l mal yo. Sa ka koz li pran plis tan pou l geri oswa lakoz li senyen.

• Kite po a pran lè.

• Chanje daypè sou bebe a souvan pou anpeche l fè enfeksyon.

• Kouvri tèt peni an avèk vazlin ak twal gaz si founisè swen sante w la rekòmande w sa.

  

Pou pens Gomco oswa Mogen

• Si gen yon twal gaz oswa yon bandaj sou peni an, suiv enstriksyon espesifik founisè swen sante w la ba ou konsènan kòman pou w retire l, ranplase l, oswa ni retire l ni ranplase l.

Pou aparèy plastibèl la

• Kite ti kawoutchou an plastik la tonbe poukont li. Sa ka pran ant 3 a 10 jou.

• Fè founisè swen sante ou a konnen si ti kawoutchou an plastik la tonbe anvan 2 jou oswa si l rete pou plis pase 10 jou .

Kilè pou w rele founisè swen sante w la

Rele founisè swen sante ou a si youn nan bagay sa yo ta rive:

• Peni bebe ou a anfle oswa ap senyen anpil.

• Timoun ou an gen yon lafyèv 100,4°F (38°C) oswa pi wo, oswa nan nivo founisè swen sante w la di w la.

• Timoun ou an aji tankou yon timoun ki vrèman malad, san enèji, li refize manje, oswa l ap fè kapris. 

• Genyen yon likid tou blanch k ap koule oswa ki pa vle disparèt.

• San an pa vle sispann lè w fè presyon toupiti sou li oswa li pifò pase yon ka pous sou daypè a.

• Bebe ou a pa pipi byen