Benyen Bebe ou a

Enpòtan

Pa janm kite bebe ou a poukont li touprè dlo—pa menm pandan kèk segond! Si w oblije kite chanm lan pandan w ap benyen bebe a, toujou pran bebe a soti avè l.

Etap 1. Lave vizaj bebe a

• Pou fè sa, vide yon ti dlo tyèd sou yon chifon pwòp epi soup oswa sou yon boul koton. Pa ajoute savon.

• Siye je l dousman. Pou anpeche l atrape enfeksyon, itilize yon pati ki pwòp nan rad la pou w siye chak je. Siye depi nan kwen anndan je a pou soti nan espas deyò yo.

• Lave dèyè zòrèy bebe a ak anba babin li.

Etap 2. Lave kò a, men, pye

• Mete yon ti kantite savon soup ki pa gen odè sou yon chifon pwòp epi ki mouye.

• Lave pati nan mitan kote ki gen pli nan kò li yo.

• Ekate dwèt li yo epi siye font dwèt yo. Lave anba bra bebe a ak dèyè de jenou li yo.

• Si kòd lonbrit bebe a ta sal, lave l avèk dlo epi kite l pran lè pou l sèch.

• Benyen bebe ou a ak chifon toutotan kòd lonbrit li poko tonbe epi geri. Si li ta mouye, mete bebe a kote lè pase yon fason pou l ka seche.

Etap 3. Lave dèyè bebe a

• Lave dèyè bebe a aprè w fin lave rès kò a.

• Si se tifi, lave l soti devan pou ale dèyè sèlman.

• Pa janm fòse kale peni yon ti gason ki pa sikonsi.

Etap 4. Pran swen po tèt bebe a

• Fwote oswa penyen dousman tèt bebe ou a chak jou.

• Lave tèt bebe ou a 1 oswa 2 fwa chak semèn. Itilize yon chanpou ki pa cho, ki p ap brile l. Sa ap anpeche l gen pyas. se maleng ki leve nan po tèt la, li menm jan ak pelikil. Se yon maladi nou rankontre souvan lakay timoun yo. Ou ka vlope bebe ou a nan yon sèvyèt tyèd epi ou lave po tèt li ak cheve l.

• Bebe ki fenk fèt yo raman bezwen w pase losyon oswa poud sou yo. Si w anvi itilize yon losyon pou w pase sou bebe ou a chwazi yon losyon ki bon pou alèji. Si w chwazi pase poud sou li, mete poud la nan men w anvan. Ansuit fwote l sou po bebe ou a. Si bebe a respire poud la sa ka ba l pwoblèm nan poumon l.