Pwoblèm Atè Kawotid Estwòk:

Kijan atè andomaje a ka mennen nan yon estwòk

Yon atè kawotid ki an sante swa pa anndan, tankou yon tib. Men pwoblèm sante tankou tansyon wo, dyabèt, ak fimen ka andomaje anndan pawa atè a epi fè li vin graj. Sa kite depo grès yo rele plak yo fe yon pil sou pawa atè a. Kayo sangen yo rele anboli ka fòme sou plak la tou. Si yon moso plak oubyen anboli kase, yo ka koule nan san an epi ale kwense nan yon ti veso sangen sèvo a. Sa ap bloke sikilasyon san an nan yon pati nan sèvo a, epi lakoz yon estwòk.

Sentom yon estwòk

Anba a w ap jwenn sentom estwòk ki rive plis yo.  Rele 911 imedyatman si ou genyen youn nan sentom sa yo: Tretman medikal rapid pou yon estwòk se yon bagay vital. Plis ou rete tann pou w jwenn èd, se plis estwòk la ka fè plis domaj.

• Yon angoudisman ak yon feblès sibit nan vizaj ou, ponyèt ou, oubyen janm ou espesyalman nan yon sèl bò nan kò a.

• Yon konfizyon sibit oubyen difikilte pou w pale oubyen konprann lòt moun

• Yon difikilte sibit pou w wè nan 1 oubyen nan de je w

• Yon difikilte sibit pou w mache, etoudisman, oubyen pèt ekilib, oubyen kowòdinasyon

• Gwo tèt fè mal sibit, san okenn koz

• Nouvo kriz sibit

Aksidan iskemik tranzitwa (TIA)

Yon aksidan iskemik tranzitwa (TIA) se yon mini estwòk. Se yon siy avètisman ki anonse yon gwo estwòk ka rive nan yon fiti pwòch. Yon TIA se lè yon atè sèvo a bloke pandan yon ti bout tan. Sa ap lakoz sentom menm jan ak sentom ki genyen nan yon estwòk. Men ak yon TIA, yo dire yon ti bout tan, soti nan kèk segond pou ale nan kèk èd tan. Pa janm inyore okenn TIA oubyen sentom estwòk.  Rele 911 byen rapid.

F.A.S.T.

F.A.S.T. se yon fason ki fasil pou w sonje siy estwòk yo oubyen TIA. Lè w wè siy sa yo, rele 911 vit.

F.A.S.T. Vle di:

• F la se pou "Face" an anglè, ki vle di vizaj, w ap santi vizaj ou pòk. Yon pati nan vizaj la ap tonbe oubyen ou pa p santi anyen ladan l. Lè moun nan ap souri, souri ap fèt nan yon sèl pati nan bouch li.

• A a se pou "Arm" an anglè, ki vle di ponyèt, ponyèt ki fèb. Yonn nan ponyèt yo ap fèb oubyen ou pa p santi anyen ladan l. Lè moun nan leve toude bra l an menm tan, gen youn nan bra yo ki ap gen tandans tonbe.

• S lan se pou "Speech" an anglè, ki vle di langaj, difikilte pou moun nan pale. Ou ka remake moun nan gen difikilte poul atikile oubyen pou l pale. Moun nan pa ka repete yon senp fraz kòrèkteman lè yo mande l sa.

• T a se pou "Time" ki vle di tan an anglè, sa vle di li lè pou w rele 911. Si yon moun genyen youn nan sentom sa yo, menm si sentom nan disparèt, rele 911 byen rapid. Pran nòt a kilè sentom yo premye parèt.