Alamin ang mga Sintomas ng Depresyon

Mga sintomas ng depresyon

Ang mga taong depressed ay maaaring:

• Hindi masaya, nalulumbay, nalulungkot, nabibigo, o miserable halos buong araw, halos araw-araw

• Nakakaramdam na walang kaya, walang pag-asa, o walang halaga

• Nawalan ng interes sa mga libangan, kaibigan, at aktibidad na dating nagbibigay ng kasiyahan

• Hindi makatulog nang mahimbing o sobrang matulog

• Nadaragdagan o nababawasan ang timbang

• Nakakaramdam ng panghihina o laging pagod

• Nahihirapang ituon ang isipan o gumawa ng mga desisyon

• Nawawalan ng gana sa pakikipagtalik

• Mayroong mga pisikal na sintomas, tulad ng mga pananakit ng tiyan, masakit na ulo, o pananakit ng likod

Alamin ang mga malubhang senyales

Huwag balewalain ang mga komento ng isang iyon tungkol sa pagpapakamatay. O mga pag-uugali na maaaring humantong sa pananakit sa sarili. Kabilang sa mga babalang senyales ng pagpapakamatay ang:

• Mga pagbabanta o pagsasabi ng pagpapakamatay. Nagsasabi na sasaktan ang kanilang sarili o ang ibang tao.

• Pagsasabi ng mga bagay tulad ng “Hindi na ako magiging problema pa” o “Walang mahalaga.”

• Pamimigay ng kanilang mga personal na pag-aari. O paggawa ng testamento o mga plano ng libing.

• Pagbili ng baril o iba pang armas.

• Pag-iimbak ng gamot

• Biglaan at hindi inaasahang pagkagalak o naging kalmado pagkatapos ng panahon ng depresyon.

Kung nakita mo ang alinman sa mga palatandaang ito, humingi kaagad ng tulong. Tumawag sa tagapangalaga ng kalusugan, klinika ng kalusugan ng pag-iisip o hotline ng pagpapakamatay. Itanong kung ano ang dapat mong gawin. Sa isang emergency, tumawag o mag-text sa 988. Ikokonekta ka sa mga sinanay na tagapayo sa krisis sa National Suicide Prevention Lifeline. Available din ang opsyon na online chat sa www.suicidepreventionlifeline.org. Libre ang Lifeline at magagamit 24/7. Maaari ka rin tumawag sa Lifeline sa 800-273-TALK (800-273-8255).

Kung nababahala ka na maaaring nag-iisip tungkol sa pagkakamatay ang iyong kaibigan, tanungin siya. Ang pagtatanong tungkol sa pagpapakamatay ay hindi humahantong sa pagpapakamatay. Kung nagsasalita ang iyong kaibigan tungkol sa pagpapakamatay, kumilos kaagad! Hindi isang hindi nakakapinsalang pagpapahayag ng pansin ang mga saloobin o pagkilos na may kaugnayan sa pagpapakamatay. Ang mga ito ay palatandaan ng matinding stress at hindi dapat hindi intindihin.

Kung agaran ang banta (may plano ang iyong kaibigan at naghahangad na gawin ito), tumawag o mag-text sa 988 Huwag iwanang mag-isa ang iyong kaibigan. Alisin ang anumang paraan, gaya ng mga baril, lubid, o inimbak na mga tableta.

Upang malaman ang higit pa

• Crisis Text Line, Mga-text ng HELLO sa 741741

• National Institutes of Mental Health sa www.nimh.nih.gov o 866-615-6464

• National Alliance on Mental Illness sa www.nami.org  o 800-950-6264

• Mental Health America sa www.mhanational.org o 800-969-6642

• National Suicide Prevention Lifeline sa www.suicidepreventionlifeline.org o 800-273-TALK (800-273-8255). O tumawag o mag-text sa 988