Mga Tagubilin sa Pag-discharge ng Coronary Angioplasty

Ikaw ay sumailalim ng angioplasty. Sa panahon ng iyong angioplasty, ang doktor ay nagpasok ng manipis na tubo na tinatawag na catheter sa daluyan ng dugo at sa iyong singit. Ang catheter ay itinulak mula sa daluyan ng iyong dugo hanggang sa may nakabarang dako sa isa sa mga daluyan ng dugo ng iyong puso. Pinalobo ng doktor ang dulo ng catheter at binatak nito ang baradong daluyan upang malayang dumaloy ang dugo. Ang lobo ay inimpisan at tinanggal kasama ng catheter. Ang doktor ay maaaring may ipinasok na metal na kagamitang tinatawag na stent sa baradong daluyan. Kung mayroon, ang stent ay makakatulong upang mapanatiling bukas ang daluyan.

Pangangalaga sa Bahay

• Magpamaneho papunta sa iyong mga appointment sa mga susunod na araw.

• Magpahinga ng 2-3 araw pagkatapos ng procedure. Karamihan sa mga pasyente ay nakakabalik sa normal nilang aktibidad sa loob ng ilang araw.

• Kunin ang iyong temperatura at suriin ang iyong hiwa para sa mga senyales ng impeksiyon (pamumula, pamamaga, drainage, o pag-init) araw-araw ng isang linggo. Normal na magkaroon ng maliit na pasa o bukol kung saan naipasok ang catheter.

• Inumin ang iyong medikasyon ayon sa inuutos. Huwag laktawan ang dosis. Mahalagang inumin ang aspirin o ibang katulad na gamot hanggang sa ipinapayo ito ng iyong doktor.

• Maliban kung kabaligtaran ang inuutos, uminom ng 6-8 basong tubig kada araw upang maiwasan ang dehydration at makatulong na mailabas ang pangkulay sa iyong katawan na ginamit sa angioplasty.

• Kumain ng malusog na diyeta na mababa sa taba, asin, at kolesterol. Itanong sa iyong doktor ang mga menu o iba pang impormasyong pangdiyeta.

• Mag-ehersisyo ayon sa rekomendasyon ng iyong doktor.

• Iwasan ang paglangoy o pagbabad sa bath tub. Maaari kang mag-shower sa araw pagkatapos ng procedure.

Mag-Follow Up

Magkaroon ng follow-up appointment ayon sa ipinag-uutos ng aming staff.