Jesyon pwa: Pèdi Pwa epi Rete Konsa

Kontwòle pwa w ap pèdi

Pa konsantre sou ogmantasyon oswa pwa w ap pèdi chak jou. Olye de sa, peze tèt ou pa plis pase yon fwa pa semèn nan menm lè a nan jounen an. Peze tèt ou chak jou ap pwoblableman sèlman fistre ou. Jwenn yon zanmi ki bezwen pèdi pwa tou epi youn ka ankouraje lòt.

Rete motive

Men sijesyon pou kenbe ou motive: 

• Fè tèt ou sonje objektif ou yo. Mete yo toupre frijidè w oswa biwo kote w ap travay la.

• Ekri chak jou nan jounal ou sou aktivite w ak sa w manje. Yon rapèl vizyèl de siksè, tankou yon etwal lò, ka ede w kontinye vanse.

• Chak semèn, pran tan pou gade dèyè sou sa ou te akonpli, ak chanjman ou te fè yo.

• Eseye pran yon klas nitrisyon. Li ka ede w gen nouvo konpetans pou fè makèt, kuit manje ak manje, epi rankontre nouvo moun tou. Ou ta ka eseye yon klas pou kwit manje ki pa gen anpil grès oswa yoga.

• Pa di ak tèt ou oswa abandone si ou chite. Gen pasyans. Aprann de erè ou yo epi ajiste plan ou si ou bezwen sa. Epi retounen tousuit.

• Se pou w reyalis nan objektif ou genyen yo. Pale ak yon dyetetisyen oswa yon founisè swen sante sou ki objektif ki rezonab pou ou. 

Kwè ke ou ka fè li

Fason ou panse sou tèt ou enpòtan menm jan ak sa ou fè. Si ou panse ou pa ka reyisi, gen plis chans pou sa pa rive. Kwè ke ou ka rete sou plan ou epi atenn objektif ou:

• Si ou pa atenn yon objektif, pa sèvi ak li kòm yon eskiz pou abandone tout plan ou. Ajiste objektif ou epi eseye ankò.

• Eseye konprann pwòp atitid ou konsènan manje.  Eske ou manje pa emosyon?

• Aprann kijan pou w aksepte konpliman. Menmsi ou jennen, jis di "mèsi."

• Fè yon lis bagay lòt moun renmen lakay ou ak sa oumenm ou renmen lakay ou. Ajoute yon bagay nouvo de tanzantan. Kenbe lis sa a pou w gade lè ou bezwen yon fòs.

Pou plis enfòmasyon

• The President’s Council on Fitness, Sports & Nutrition

  www.fitness.gov

• Academy of Nutrition and Dietetics

  www.eatright.org

• Healthfinder

  www.healthfinder.gov